दिग्रस येथे विशाल जनसागराच्या साक्षीने ३१ जोडपिंचा विवाह थाटात संपन्न
मुस्लीम गवळी समाज सामूहिक विवाह मेळाव्याला
सर्वपक्षीय पुढारी व सर्वधर्मीय बांधवांची मोठ्या संख्येने हजेरी
दिग्रस येथे मुस्लीम गवळी समाज सामूहिक विवाह मेळाव्यात आज { ता.८ }तब्बल ३१ जोडपी विवाहच्या पवित्र बंधनात अडकले . यावेळी नवदाम्पत्यांना शुभाशीर्वाद देण्यासाठी असंख्य सर्वपक्षीय व सर्वधर्मीय बांधव उपस्थित होते. दिग्रस येथील गवळीपुऱ्याला लागून असलेल्या महेबूबनगर येथे उभारण्यात आलेल्या भव्य मांडवात सकाळी १० वाजता अत्यंत सध्या पद्धतीने ३१ निकाह पार पडले . विशेष म्हणजे मुस्लीम गवळी समाज मागील १७-१८ वर्षांपासून सामूहिक विवाह मेळाव्याचे आयोजन करत असून आजपर्यंत तब्बल ६५५ लोकांचे संसार थाटण्यात त्यांना यश आले आहे . दुसरे वैशिष्ट्य म्हणजे गरीब असो की श्रीमंत , वर्षभर कोणीही एकट्याने विवाह करत नाही . शंभर टक्के समाज बांधव दरवर्षी सामूहिक विवाह मेळाव्यातच आपल्या पाल्यांचे लग्न उरकवतात .
सदर सामूहिक विवाह मेळाव्यात निकाहची संपूर्ण कार्यवाही मौलवी सादिक आलमगिरी , मौलवी युनूस साहब , मौलवी असलम साहब , मौलवी अल्ताफ साहब , मौलवी इसहाक साहब , हाफिज अश्फाक साहब, हाफिज इसराईल साहब,हाफिज साजिद,हाफिज जुबेर, हाफिज सलीम आदी उलेमांनी पार पाडली .
यावेळी आमदार व माजी वन मंत्री संजय राठोड , ज्येष्ठ काँग्रेस नेते माणिकराव ठाकरे , माजी मंत्री संजय देशमुख , भजपचे तालुकाध्यक्ष रविंद्र अरगडे , काँग्रेसचे तालुकाध्यक्ष शंकर जाधव , माजी नगराध्यक्ष विजयकुमार बंग , शाम पाटील , नूर मुहम्मद खान , जिल्हा नियोजन समिती सदस्य सुधीर देशमुख , जिल्हा सरचिटणीस राजा चौहान , पोलीस निरीक्षक पांडुरंग फाडे , सलीम पटेल , भारत देशमुख , शिवसेना तालुका प्रमुख उत्तम ठवकर , शहर प्रमुख राहुल देशपांडे , डॉ मनोज टेवरे , डॉ संजय बंग , केतन रत्नपारखी , विनायक दुधे , जावेद पहेलवान , विजय घाटे , जावेद पटेल , दिनेश सुकोडे , राजकुमार वानखडे , गोपाळ राठोड , प्रणित मोरे , गोपाळ शाह , सैयद अकरम , महादेवराव सुपारे,अजिंक्य मात्रे,वाशीम जिल्हा गवळी समाज संघटना जिल्हाध्यक्ष जुम्मा भाई पप्पुवाले आदी सर्वपक्षीय , सर्वधर्मीय बांधव , वर व वधूकडील अमरावती , अकोला , बुलढाणा , खामगाव , चिखली , बडनेरा , मंगरुळपीर , कोलंबी येथील हजारो पाहुणे उपस्थित होते . मुस्लीम गवळी बिरादारीच्या सर्व पदाधिकारी व कार्यकर्त्यांनी सदर मेळाव्याच्या यशस्वीतेसाठी पुढाकार घेतला .
